Во Скопје се одржа финалето на државниот кулинарски натпревар во подготовка на јадења од квалитетно живинско месо „МОЕ НАЈ МЕСО“.
Тимот од учениците од ОУТУ „Ванчо Питошески“ – Охрид како првопласирана екипа на финалниот натпревар и победник на кулинарскиот натпревар ја доби првата награда:
СТРУЧНО ТУРИСТИЧКО ПАТУВАЊЕ ВО СЛОВЕНИЈА НА 3 ДЕНА!
Резултати и пласман на екипите:
1 место: Ивана Петкоска, Ивана Николоска и Емилија Јовческа
Пофалница: Дарко Трајкоски, Стефан Новакоски и Ненад Јовановиќ.
Ментор на екипите проф. Блаже Јорданоски.
На натпреварот учествуваа првопласираните и второпласираните натпреварувачки екипи од двата полифинални натпревара во Охрид и Скопје, составени од 3 члена во две категории:
• Категорија ГОТВАЧИ-АМАТЕРИ
• Категорија МЛАДИ ГОТВАЧИ (школски екипи).
Натпреварот претставува дел од активностите за промоција на квалитетно живинско месо со потекло од ЕУ, кој се одвива на пет пазари во ЈИ Европа и е финансиран од ЕУ и Р. Словенија.
Натпреварувачките екипи подготвуваа јадење во количина за 4 лица и го сервираа во 4 чинии за сервирање. Подготвените јадења ги оценуваше комисија според критериумите: вкус и квалитет на подготвеното јадење, креативност и иновативност на подготвеното јадење, естетски изглед и аранжирање на подготвеното јадење и познавање на карактеристиките на живинско месо.
